自懂事以來，喺學堂都經常會教我哋呢句說話：“老師像一根蠟燭，燃燒自己，照亮別人。”其實，係啱嘅！的而且確，身為教學者，應該要有咁樣嘅精神嚟教學生，因為每個學生嘅前途係無限量嘅，而老師係一定要附上好大嘅責任㗎！
今日，有感而發，寫佐D關於教學嘅嘢，係因為我讀嘅嗰間學校，（我唔知其他教師係點，以下係關於我自己嘅老師）。無可否認佢係一個非常之好嘅老師，教書時，同學都清楚明白佢教緊乜，但係衰懶！我好坦白咁講，因為無乜人會睇我嘅部落格，所以就大膽D寫！我真係好好奇點解我遇到嘅老師都係咁懶嘅？！真係天生嘅掃把星！初頭去到嗰間學校，以為電腦老師教得可以好明，但係總有D嘢老師明，學生唔明嘅嘛！我成日都好期待學校嘅老師會再教多一次，因為我肯定，我一定明白！但係，每次佢都開空頭支票！真係好失望！好多嘢好想講，但係唔知應該點講！嗰度個成個教學系統係應該要改，如果再一直咁落去，只會嗮時間，學生又唔主動，教師又賴賴閒咁！試問咁樣嘅程度，學生點會進步叻？應該畢業嘅，到佐呢嗰歲數仲喺度讀緊初三嘅嘢。我知我唔應該用有色眼鏡嚟睇佢哋，我只係講緊事實啫！
老師從幾個月前，就應承我哋，會討論某某科目！但到佐依家，得個吉！乜嘢都無做到！講起就嬲！根本就無負責任嘅態度喺度！算係乜嘢老師啦！我唔該你啦，你教書有自己嘅風格，就唔好嗮佐啦，收收埋埋，不如益下學生啦！過幾日前，佢明明就應承佐要討論嗰科，因為一個同學嘅缺席就cancel佐，可以係個好好嘅理由，但係我覺得唔可以因為一棵樹放棄成個森林咯！嗰學生係因為要參加學校主辦嘅踢波比賽，而我哋嘅時間又好似啱啱撞到！就咁冇啦！即使係情有可原，都可以改期㗎！可能佢好忙，呢嗰個個都知，有邊個老師係無忙嘅？但係總有D老師係真係有教書精神，無句怨言！
可能時代變了，聽講以前嘅教書先生都好盡責，每個學生一定學成歸來，凱旋歸來，青出於藍勝於藍。。依家嘅人簡直懶都出汁！怪唔知，社會有咁多寄生蟲啦！
-發洩完畢- 謝謝！
No comments:
Post a Comment