命運^﹏^

我諗我有資格做算命師，可以未卜先知，就知道自己嘅未來啦！如果我今日所講嘅嘢喺未來兌現佐，請你恭喜我，因為我真係有潛質做麥玲玲嘅徒弟！

我可能係天生嘅二奶命，注定以後係做人二奶！點解我會口出此言叻？係因為由細到大都係2nd choice!永遠係需要嘅時候就嚟搵我，唔需要我時，就當做陌生人，咁多年，我希望有一日可以改變我呢個命運，但係始終都冇。一個喺你身邊無時無刻咁嚟煩你嘅，就是一個好好嘅朋友，你可以同佢一齊癲，一齊玩，無憂無慮！

我有時候真係覺得自己係根本唔存在喺呢個世界！唔知點解會有咁嘅feeling！好無助，感覺無人理解我，最需要關心嘅時候，個個都唔喺我身邊。所以我成日都同人講我嘅人際關係好差就係咁，唔係亂講，憑我自己嘅感覺，我可以feel到我好黑人憎，好易惹人討厭！由細到大，我從來都冇一日覺得自己好驕傲，因為我好自卑。人肥不得止，有時候講嘢方面好易得罪人，但我自己唔覺，真係人生悲劇！

每次遇到咁樣嘅逆境，唔通真係要好似D蠢人咁，從幾十樓跳落嚟，當正自己係空中飛人咩？無可能！我係正面派嘅！就係要證明俾人睇，你越睇死我，我就過得快樂D！（雖然，都無人會覺㗎啦。你死你事啦！）不過，呢D嘢我相信好快會過嘅！既然，你有好多朋友嘅時候，亦都有朋友想離開你一下，自己靜一靜，跟下第二個。對於呢D嘢，做人真係要睇得好開，如果唔係就行差踏錯，誤佐你美好嘅人生㗎啦！何必呢？唔需要啦！

如果真係有好多嘢諗唔通，唔係識下睇D你鍾意嘅電影咯，聽下你中意嘅歌！話唔定，可以喺當中搵到答案咧？！而我叻，我就鍾意老嘢嘅！我選擇聽張學友嘅歌，睇下周星馳D戲，傻傻下，唱唱歌，咁就過佐一日啦！諗起嚟，人生真係好苦短，一日一日咁過，如果你被要求做一份關於你自己人生嘅report，你會驚覺你唔知點開始，喺中間你發生佐乜嘢事，所以我哋可以喺好多書籍中搵到好多正能量滿爆嘅題材！

人類，包括我自己，醒下吧！唔好再為你身邊擦身而過嘅嘢而耿耿於懷啦！無用嘅！最緊要就係要往前看，希望在身邊，前方，你根本睇唔到嘅地方！