頭先，寫佐一大堆嘢，點知無情嘅部落格唔俾我post，我諗我知道原因佐。
依家點算叻？又要寫過一篇一大堆嘅嘢？真係激死人啦！！（好嬲nao,生氣！）無計啦，自己鍾意寫啊！真無奈！
憑我記憶，應該係咁嘅！
其實我開WiFi都冇乜嘢用㗎啦！反正都冇乜朋友會主動搵我㗎啦！主要嘅就是，睇下instagram, Facebook咁咯。前日，小學朋友突然間嚟whatsapp搵我，真係好感動！平時，都係我主動去搵人傾計，有少少覺得自己不知廉恥！哈哈。我哋傾佐好多關於我哋喺小學嗰陣嘅趣事，點滴！講到我哋當時好鍾意搞blog嘅，其實我開始先嘅，之後佢就有興趣嚟加入我啦。我佐記得我哋小學嗰陣，成日都係佢陪我網上傾計，甚至乎傾到半夜三更！成1點幾正瞓覺。老實講，我真係好多謝佢俾佐我咁美好嘅回憶！有咁嘅朋友，都算唔話得㗎啦！陳加元，Chan Ka Yuen, (Yuen~)，多謝曬！*鞠躬* (^○^)
上個禮拜，二姨嚟到我媽子嘅髮廊傾計。佢講到位於Sentul有間茶餐室所煮嘅噗魚（唔識點寫）好好味！三姨就話：“係？估唔到嗰間店仲係，好耐都沒食啦！”我就插口話：“乜你有食過咩？點解我冇食過嘅？”三姨就話：“你想食？得！搵日等二姨得閒，我哋四個一齊去食！”幾經多日喺電話度嘅討論之後，終於約定佐尋日去食，睇下有幾架勢！:P 為佐呢餐，我哋幾經波折先至順利（因為媽子嘅駕駛程度。。），終於搵到二姨所在位置，之後，就讓二姨揸我哋架車去！終於搵到啦！哇！真係好多人啊！誇張到要排隊先至到佢哋。我哋就幸運D，一到佐，就有靚位俾我哋坐！點佐菜之後，唔知點解覺得成身好熱啊！菜嚟佐之後，我就逐樣菜都影張相，所以大家有相睇啦！
招牌都幫埋佢打廣告！唔知，佢哋會唔會。。
腐乳油麥！好食！
炸sotong（嗰sotong咬唔斷嘅，要成個放日個口度先至食得。講真好脆口啊！），咕嚕肉（都好味啫！真係好脆㗎！）
Main dish: 噗魚！
