第一次：入院記

人生中總有“第一次”。媽媽第一次生baby、baby第一次喊、飲奶、睜開眼、認人、翻身、行路、開口叫爸爸媽媽等。。。而我呢次嘅第一次就係除佐出世喺醫院過夜之外，今次絕對係我人生中自我懂事以嚟，第一次入院，仲係做手術嘅嗰种！

我以為我呢次嘅傷係皮外傷嚟嘅，唔需要咁大陣象要搞到入院、住院咁誇張！而呢次嘅入院記可以話係好好嘅經驗，畢竟都冇入過亦唔鐘意呢啲地方。今次呢件事令我唔知點解我會莫名咁開心。可能自己痛到sot佐！

之前提過我會去柬埔寨成8日嘅。前三日都幾開心嘎！起碼可以喺Kampot（柬埔寨屬於比較鄉下嘅地方）道拔草，同啲校友接觸，一齊同甘共苦，幾ok下嘎！到佐第四日，先之係噩夢嘅開始。我份人咧，就好小氣嘅！我仲記得當時我哋啲團隊成員都可以有西瓜食，係嗰度嘅管理人請我哋食嘅。咁嗰時候我肚餓，睇到有西瓜更係想食啦。但係，我又好想我朋友主動嚟搵我甚至喂我食因為嗰西瓜盆係佢哋拿緊。但係我等极都冇！我由“幕後”（當時喺比較隱蔽嘅地方做嘢）轉到“幕前”（係佢睇得到我嘅地方）等住我期待緊嘅嘢。點知最後成盆嘅西瓜都冇佐，佢望都冇望我一下。我雖然知道呢啲嘢唔係頭一次發生，但係我依然對佢有期望，希望佢可以望到我，咁我就好開心嘅啦！由始至終，都係我一廂情願，佢根本就冇在乎我，我似玻璃多過似人！

然後，負責人安排啲男子將啲四方格嘅磚頭搬到學校出邊，懵懵懂懂嘅我就唔只要做係要拿嚟乜嘢嘅！咁啱，我站喺學校出邊，等老師嘅指示。忽然間，嗰男子佢叫我幫佢拿嗰磚塊。憑我記憶，佢應該拿8塊磚，對我嚟講咧，一塊磚係10公斤左右啦，老師指示一人拿2塊，佢就咁有力拿咁多塊！於是，我以為我嘅力度係比普通嘅女子多，所以就識下拿5塊。我拿唔起，就拿3塊，終於拿得啦！點知，最未一塊。。。就咁無情地跌落我腳趾頭道！初頭，以為冇事嘅，皮外傷嘖，點知睇到我腳指流血，又以為會冇事嘅！忽然間，有個中國佬跑緊過嚟，睇到我腳趾流緊血，就扶我到學校入邊坐低。呢個時候我先知道原來我傷得唔輕嘎！

由嗰日起，我幾乎成日都喊！我喺樓梯度坐底，竟然嚟幫我嘅朋友唔喺佢！係另一個！我當時真係好心淡，我喊嘅原因有80%係因為佢！我冇諗到佢會咁狠心！多得嗰個令我意想不到會嚟幫我嘅，喺我最需要朋友喺身邊嘅時候，佢行埋嚟，我真係我多謝。嗰度嘅老師幫我清理傷口，雖然我一直掙扎，但係我都繼續俾佢幫我，因為我相信，佢唔會喺我傷口上撒鹽！

我一直好疑惑，我等緊嘅嗰個人點解佢唔出現？點解佢可以由得佢嘅朋友咁嚟受苦，佢都唔幫手。如果當時佢係有任務在身嘅話，我絕對唔會怪佢。但係，咁啱當時落雨，所有人都停工，我一直盼望佢出現，但係都係一場空。終於，佢出現啦，我問我：“你ok嗎？”就咁！我當時後，好想同佢講好多嘢，但係我只是冷冷咁用手指指住叫佢去另一邊。就咁，佢就走佐了！

到佐夜晚黑，老師帶成個團隊去出街食晚餐。由於我唔方便行路，同埋嗰陣落緊雨，心情又低落，我唔適合出去，就同老師講我唔食了，老師都體諒叫我喺度休息但係要求有個人陪住我。咁啱，佢入嚟我間房，佢就無意中變成我嘅受害者咁，好似剝奪佢嘅時間。我哋嘅話題已經唔係好似以前咁多了，成間房得返我同佢，我就問，你冇嘢同我講？佢就話，等我諗諗先。原來，我。哋嘅感情已經去到連話題都要諗下。最終，佢講佢好攰。我唯有叫佢瞓下先，佢一瞓就瞓到老師佢哋返嚟（要開門俾佢哋）

總結：睇嚟，我又要好好反省自己，究竟點解會變成咁啦！